General Santos City—gitulis sa wala pa mailhing suspetsado ang usa ka collector samtang kini anaa sa May Barangay Labangal Gensan.
Ang biktima giilang si Marlon Cordova, 36, residenti sa Prk. Banualan, Barangay Tambler ning dakbayan Collector ilawom sa Globe Wallet nga nakabase dinhi sa syudad.
Alas 4:25 ang takna sa hapon, Lunes, June 19, 2017 naningil ang nahisgutang biktima sa ilang mga kleyenti sa may Barangay Labangal. Pag abot atubangan sa may Labangal National High school, mihunong ang nahisgutan aron nga mangihi daplin sa kalsada, apan kalit miabot ang duha ka mga lalaki nga sakay sa usa ka RS nga motorsiklo kolor itom, dayon gitiunan ug pusil ang biktima dungan sa pag deklara ug Tulis.
Tungod sa kahadlok, gihatag na lamang sa biktima ang iyang koleksyon kantidad ug P9,000.00.
Paspas nga misibat ang mga suspek gikan sa lugar samtang ang biktima gilayong mireport sa buhatan sa Police Station 2 (Makar Police Station).
Girespondihan pa sa kapulisan ang nahitabuan sa krimen apan wala na gyud makit-e pa ang mga suspek.
Subay sa sumbong sa biktima ngadto sa kapulisan nasayran nga pulos may taptap ang nawong sa duha ka mga suspetsado.
Sa karon padayon pa ang gihimong imbistigasyon kalabutan sa maong insidenti.
