Nagmalampusong nadakpan ang isa ka College Dean human sa gilusad na entrapment operation sa NBI kagahapon sa isa ka kan-anan sa brgy. Sabang , Surigao City. Isa ka Randy Laurente Retulla , hingkod an pangidaron , ulitawo,taga brgy. Rizal , Surigao City , isa ka College Dean sa pribadong skwelahan dinhi sa syudad an gireklamu sa usa ka tinun-an gumikan sa paghimo nan video scandal na nalambigit niini an suspect sanan biktima. Sa gilusad nga operasyon sa NATIONAL BUREU OF INVESTIGATION kon NBI nagmalampusong nadakpan ang suspect sa usa ka establisemento sa brgy. Sabang kagahapon sanan jaun na kuman sa kostudiya nan kapolisan sa syudad. Si Retulla gireklamo sa isa ka layaki na studyante na naghimo nan malaw-ay nila na sex video sanan mihulga sa biktima na ini ipost sa Social Media , hinungdan na misumbong sa ija ginikanan sa kahadlok sanan nakahukom na isumbong sa mga otoridad partikular na an NBI. Sajo kuman buntag tag-andam na sa NBI sa korte an inquest proceedings sa mga kaso batok sa tagreklamo na College Dean. An suspect mag atubang sa mga kasong paglapas sa RA7877 o Anti Sexual Harrassment Act, Pagpanlugos, Cyber Libel sanan Anti Video / Voyeurism Act of 2009. (RADYOMAN JERSON FUENTES)
