Patay ang usa ka college student human gidunggab sa misulay og kuha sa iyang celfon samtang nikabit sa usa ka jeep kagabie.
Ang biktima mao ang 21 anyos nga si Josram Maula, ulitawo, taga Purok 5, Tagunao, Barangay Indahag ning syudad ug 3rd year IT student sa Southern Philippines College.
Nasayran nga nikabit sa Taguanao liner ang biktima ug nikabit usab sa jeep ang upat ka mga suspek apan pag-abot sa Porferio Chavez Street, Barangay Macasandig gisulayan og kuha sa suspek ang celfon apan nagdumili ang biktima busa gidunggab kini.
Gidala pa sa driver sa jeep sa JR Borja General Hospital ang biktimang si Maula apan pipila ka minuto namatay kini tungod sa samad dinunggaban sa tuong bahin sa iyang abaga.
Facebook Comments
