Constructiion worker victima de tiro na su mismo casa, muerto

Un construction worker ya queda victima de tiro adentro mismo del diila casa na Sapang Palay, Baliwasan del Martes denoche.
El victima amo si Reynaldo Magno, 42, sapartao, del mencionao lugar.
Si Magno ya sostene 4 tiro na cabesa y amo ya causa su muerte.
Asegun na report, alas 8:30 del noche cuando adentro del diila casa si Magno junto consu maga anac cuando tiene ya lang un persona ya liga y ya tira conele 4 beses.
Si Magno ya muri dayun porcausa con el maga tupada de bala.
Maga pulis ya nombra con el suspechao como si Mohaimin Lacbao quien ta esta pa largao este maga tiempo.
Asegun el moher di Magno si Maricel Martinez Macapili ya sigui juwi con Lacbao del maga dias pasao.
Ya man golpe golpe pa si Magno y Lacbao del mas reciente.

Facebook Comments