TACLOBAN CITY – Nadakop han Philippine Drug Enforcement Agency (PDEA) ngan PNP an usa nga college instructor ngan drug surrenderer ha Matalom, Leyte dida han nakalabay nga dominggo, July 21.
Ginkilala han mga otoridad an mga suspek nga hira Mary Jane Laroa, 23, licensed teacher; ngan Kevin Lalic, 21 anyos, waray trabaho ngan drug surrenderer.
Ha buy-bust operation han mga otoridad, napalit tikang ha mga suspek an walo (8) kapakete han gin-aaligar shabu nga may kantidad nga P6,000 ngan drug paraphernalia.
Maatubang an mga suspek ha mga kaso han section 5, 11, 12 ngan 26 han Republic Act 9165.
Facebook Comments
