Giangkon na ni Cebu City Police Office chief, Police Colonel Royina Garma nga itudlo kini nga General Manager sa Philippine Charity Sweepstakes Office (PCSO).
Kini maoy hinungdan nga sayong moretiro si Garma sa PNP human sa 24 ka tuig nga pagserbisyo sa kapolisan aron moapil sa gabinite ni Presidente Rodrigo Duterte.
Tulo ka pangan ang nitumaw karon nga posibling mohulip ni Garma sa CCPO.
Kini mao ang hepe sa CIDG-7 nga si Colonel Lito Patay,Siquijor Provincial Police Office chief, Colonel Angela Rejano ug ang kanhi hepe sa CIDG Tacloban nga si Colonel Marvin Marcos, ang pangu sa team nga nihimo ug operasyon sa Leyte Provincial Jail diin napatay si Albuera Mayor Rolando Espinosa .
Facebook Comments
