Color coding sa mga tricycle sa Bacolod ipatuman na sang BTAO

Bacolod City  –  Gina consider karon ang pagpabalik sang color coding sa mga nagabiyahe nga tricycle diri sa ciudad sang Bacolod.  Gin-ako sang hepe sang Bacolod Traffic Authority Office – BTAO nga si P/supt. Luisito Acebuche nga ang easy access sang mga pampasahero nga tricycle ang daku nga problema bangud masami ini ang gina-gamit sa paghimo sang krimen. 

Ginpaathag ni Acebuche nga kon ipatuman liwat ang color coding, mahapos nga matumod ang suspek ukon mga suspek nga naga gamit sang tricycle sa ila krimen lakip na ang pagdaku sa mga quolorum nga tricycle.  

Suno kay Acebuche, gina consider man karon sang BTAO ang pag-activate sang mga motorcycle cop nga maga duty sa gab-i.

Sa pihak nga bahin, ginpahayag ni Acebuche nga may 55 tubtob 60 porsiento pa gid lamang sa mga naga-operate sang tricycle diri sa Bacolod ang nakapa rehistro kag nakakuha sang business permit. 

Bangud sini nga turn-out, ginpasiguro ni Acebuche nga magapadayon ang ila operasyon sa pagpangdakup sang mga tricycle nga naga biyahe nga wala sang permiso.

Sang Martes sang kaagahon, isa ka 26 anyos nga nagatrabaho sa call center ang ginreport ginlugos kag ginhold-ap sang driver kag pasahero sang iya ginsakyan nga tricycle sa Barangay Alijis.


 

image1.JPG

Facebook Comments