Davao City- Gidugok ang mga opisina sa Commission on Elections (COMELEC) sa Davao Region sa pagarangkada sa voter registration kagahapong adlawa, Pebrero 12,2024 para sa 2025 National ug Local Elections.
Nagpahimangno si Atty. Gay Enumerables, COMELEC 11 Assistant Regional Director sa publiko nga dili usikan ang oras ug panahon aron makaparehistro.
Kutob sa Setyembre 30,2024 pweding makaparehistro ug tungod pito ka bulan pa ang gigahin para niini mas maayong dili na hulaton pa nga makigsuksok pa sa katapusang adlaw sa registration.
Segun niini pweding magpareactivate, transfer, magpa-correct sa wrong entries ug magpavalidate.
Para sa mga estudyante pwedi usab gamiton ang ilahang mga school identification cards samtang sa mga regular voters magpakita og government ID.
Abli ang opisina sa COMELEC gikan Lunes hangtod Sabado ug sa mga holidays.
RadyoMaN Aimee Guinita
Facebook Comments
