MDRRMO New Bataan mitabang sa search and retrieval op sa masara landslide

Davao City – Andam nga mubalik ang mga personahe sa Municipal Disaster Reduction and Management (MDRRMO) New Bataan kung kinahanglanon sa nagpadayon nga search and retrieval operation sa landslide sa Barangay Masara, Maco, Davao de Oro.

Sa interview sa DXDC RMN Davao kang Lynne Dollolasa, MDRRM Officer sa LGU New Bataan, iyahang gibutyag nga anaa sa 6 ka personahe ang ilang gipadala niadtong February 7-9, 2024.

Dala sa mga rescuer ang scoop stretcher pala, chain saw, generator, oxygen ug uban pang kahimanan sa search and retrieval operation. Isip protocol, kinahanglan usab nga mag-check in sa Incident Command Post sa lugar ang mga volunteer rescuer.

“Ang amoang ra gyud ginapa-deploy kay kadtong mga trained gyud. Amoa silang gipapahulay unya ma-deploy napud sila og balik puhon depende sa status didto (sa Masara),” sulti ni Dollolasa.

Matud sa MDRRM Officer nga aduna gayoy nakuha nga mga patay’ng lawas ang ilang mga personahe, diin as of February 12, 2023 muabot na sa 68 ang kumpirmadong patay sa landslide sa Masara.

RadyoMaN Kirby Manzon