General Santos City— Gipaniguro ni Atty. Micheal Abas, Regional Director sa COMELEC 12 nga andam sila sa pagahimuong plebesito sa pito sa munisipyo sa North Cotabato ugmang adlawa.
Ilaha matud pang gipangandaman ang natad sa siguridad hilabi nga kanunay nga anaa sa bahad ug makapilang higayon na matud pa sila nga nagpahigayon ug coordination meeting uban ang security forces.
Kini aron nga masiguro nga dili mabutang sa alanganin ang mga botante ingon man ang mga magsilbing BEI lakip na ang mga polling precint.
Dugang pamahayag ni Atty. Abas nga andam sila sa unsa mang posibleng mahitabo panahon sa plebesito sama nalang sa posbleng dili pagsipot sa mga magtutudlo.
Rason nga aduna matud pa silay gi-train nga duha ka grupo sa kapulisan. Usa ang gikan sa PRO12 ug usa ang gikan sa Cotabato Provincial Police Office. Apan sa karon matud pa tanang nakalista isip bei gikan sa deped ang gipanigurong mu-adto sa maong plebesito.
