TACLOBAN CITY – Nananawagan an Election Officer han Tacloban City ngadto ha mga qualified registrants nga bisitahon an ira opisina ngan magparehistro kumo botante.
Sumala kan Atty. Ma. Goretti Cañas, City Election Officer, an ira opisina nga nahihimutanga ha Tacloban City Convention Center (Astrodome) in abri durante ha office hours para han pagparehistro han mga botante.
Dugang ni Cañas, abri gihapon an ira opisina bisan sabado ngan holidays.
Sumala han Commission On Elections (COMELEC) aaksiptaron nira an magdidisi-otso anyos ha adlaw o antis han May 13, 2019 kun diin ansya an schedule han National and Local Elections.
An registration han mga botante in nagtikang na dida han July 2 tubtob September 29, hini nga tuig.
Dugang ni Cañas, an mga aplikante in kinahanglan la magdara hin Identification Cards (I.D) ngan kun estudyante, dad-on an ira school identification cards.
Pwede gihapon magdara hin certificate of live birth o kun baptismal.
An COMELEC in naaksiptar gihapon hin new registration, pagtransfer, reactivation ngan change status ngan kun may mga sayop han personal information.
