Aminado ang Commission on Elections kon Comelec-Bukidnon nga wala pa gayoy nasampulan sa kasupakan sa vote buying ug vote selling.
Sa interview sa RMN Malaybalay ngadto kang Atty. Stalin Baguio, ang provincial election supervisor sa Comelec-Bukidnon gibutyag ninii nga dugay nang krusada sa buhatan ang mao nga pagdili sa direktang ug dili direktang pagpalit ug pagbaligya sa boto.
Matud ni Baguio nga hugot gayod kining gibawal gani apil kini sa ilang voter’s education.
Sigun niya walay nagreklamo kalabot ninii ug kung aduna may moreklamo dili usab mulahutay ang witness kung ipasaka kini nga kaso nagdto sa korte.
Aminado siya nga kasagaran, wala gayoy nasampulan sa vote buying ug selling maong nakiglambigit na sila sa kapulisan ug kasundaluhan aron matutukan niini.
Gi-apil usab kini nila sa pagpahimangno atol sa gihimo nga candidates briefing ug sa mga voters education nga ilang gipahigayon.
