Sa interview sa RMN Malaybalay ug iFM Bukidnon ngadto kang PMaj. Joan Navarro, PNP-NorthMin Spokesperson, gibutyag niya nga nagpahigayon na og mga checkpoints ang mga kapulisan sa nagkadaiyang lungsod sa Rehiyon lakip na usab spot checkpoints.
Gikinahanglan matud pa ang koordinasyon sa mga kapulisan ngadto sa mga COMELEC Officers aron nga mapatuman ang maong kamanduan.
Mas ginapakusgan kini nila karon ilabi na matud pa sa pagsugod sa Election Period.
Ginahimo matud pa ang mga checkpoints aron nga masiguro nga dili makagamit og mga armas o bisan-unsang hinagiban ang mga indibidwal ilabi na sa nagsingabot nga eleksyon.
Gitaho usab ni Major Navarro nga gikinahanglan usab sumala pa nga makabalo ang mga motorista sa unsay ginahimo panahon sa checkpoint.
Matud niya nga ang usa ka lehitimo nga checkpoint nahimutang sumala pa sa well-lighted area ug gipangunahan sa usa ka Police Lieutenant nga opisyal.
