Davao City – Anaa sa kapin kun kulang 135,000 ka mga botante sa syudad sa Davao ang na-deactivate ang status sa Commission on Elections (Comelec) Davao region.
Kini mao ang gibutyag ni Comelec-XI spokesperson Atty. Krisna Samantha Caballero atol sa gipahigayong AFP-PNP Presser adlaw’ng Miyerkules, Setyembre 25, kinsa nagkanayon nga kini gumikan sa wala pagbotar sa parehong milabay nga national ug local elections.
Matud ni Caballero nga sa maong ihap, ang first district ang dunay pinakadaghang deactivated status nga dunay kapin 87,000; gisundan sa third district nga dunay kapin 30,000; ug ang second district nga dunay kapin 18,000.
Saysay niini nga aron subling ma-activate, kinahanglan lamang magparehistro ilawom sa reactivation ug sigurohong mubotar sa mosunod nga eleksyon.
RadyoMaN Jason Amisola
