Dili makabotar an waya sa Election Day Certified List of Voters. Ini amoy tagpaklaro sa Commission on Elections pinaagi na sa Acting City Comelec Officer Stallon Espejon sa eklusibo na interview sa RMN DXRS kuman buntag.Sumaya pa ni Espejon na di gajud kalikayan na jauy mga reklamo na masugatan sa mga maestra sa adlaw mismo nan Election labina kon waya makita sa listahan an pangayan nan isa ka botante.Hinuon kon ini mahitabo wayay hold o mahimo an mga maestra nan ini tungod kay an COMELEC lamang an may hold uno na waya sa listahan o certified list of voters an isa ka botante. Isa sa rason uno na jauy botante na di malakip sa listahan sa adlaw mismo nan election an posibilidad na ini mitransfer sa lain na lugar sa pagparehistro . Dugang pa ni Espejon bisan kon aktibo an isa ka botante o nakahimo sa pagboto sa milabay na election pero mibalhin o kaha nagparehistro sa iban na lugar,ini dili igo na rason na malakip sa listahan tungod kay an COMElEC man an magdesisyon o mag evaluate sa listahan. Pahimangno pa nan COMELEC sa mga botante kuman Mayo 13 na election na kuman pa daan ,bisitahan na an ila opisina para matan aw kon aktibo pa ba o dili sanan kon jaun sa listahan an ila mga pangayan para mahibaw an nan sajo og dili magkaproblema sa adlaw mismo nan eleksyon.An midterm elections gikatakda na himoon kuman Mayo 13,2019 ,Lunes gikan alas 6 sa buntag hangtud alas 6 sa gabii.
