Nanawagan karon ang Commission on Elections o Comelec sa tanang political parties nga magpasa silag List of Names sa Comelec Manila sa ilang mga Party representatives nga maoy ilang authorized signatories sa Certificate of Nomination and Acceptance kon CONA sa ilang tanang kandidato sa national, provincial, city and municipal level.
Matud ni Misamis Oriental Comelec Supervisor Carlito Ravelo nga ang deadline sa Comelec hangtud lang karong adlawa Setyembre 28 alang sa tanang political parties sa pagpasa sa list of names sa ilang mga party representatives.
Gibutyag ni Ravelo nga importante kaayo alang sa mga political party nga ilang mapa-rehistro sa Comelec Manila ang ngalan sa ilang mga Party Representatives nga ilang gi-authorized nga mopirma sa CONA.
“Mahulog nga independent Candidates tanan ang ilang mga kandidato sa usa ka political party kon mopirma kinig Certificate of Nomination and Acceptance ang ilang party representative nga dili rehistrado sa Comelec” matud ni Ravelo.
