Nanawagan ang Commission on Election kon Comelec ngadto sa mga kandidato sa May 14 Barangay ug SK eleksiyon nga mag-pukos lamang sa mga plataporma.
Sa interview sa RMN ngadto kang Atty. Chubasco Caiña, ang city election officers, gibutyag niini nga kinahanglan dinhi lamang makatutok ang mga kandidato karong panahon sa pagpangampanya ug dili sa pagpangdaut sa ilang kontra sa pulitika.
Matud niini nga angayang ipukos sa mga kandidato ang ilang enerhiya sa pagpromote sa ilang mga kaugalingon ug subayon ang balaod.
Samtang nagpahinumdom usab siya nga ang piliay daugon pinaagi sa boto ug dili daugon pinaagi sa poster.
Gipasabot pa ninii nga bisan unsa pa ka daghan ang mga poster nga ipatapot kung dili usab ganahan ang mga tawo, dili gayod kini makatabang.
Gawas ninii, nagpahimangno usab ang city election officer nga aduna lamay usa ka designated common poster area nga gibutang sa kada barangay gawas lamang niadtong mga barangay nga adunay kapin 5-mil ka bontante nga adunay duha.
