Roxas City, Capiz- Kapin sa 22 ka mga persona ang nagbayolar sa ginpatuman nga election gun ban sang Comelec sa probinsya sang Capiz.
Base sa datos sang Capiz PPO, siyam sa nasambitan nga numero ang nakumpiskahan sang deadly weapon, 13 ang armasluthang. Wala naman sang may nadakpan nga mga uniformed personnel.
Samtang ginpahayag ni CPPO Provincial Director Col Canilo Fuentes nga apisar nga natapos na ang election period kag election gun ban, magapadayon sa gihapon ang kampanya sang kapulisan kontra loose firearms ukon ang programa nga ginatawag “Tokhang Kontra Ginadilian nga Pusil”.
Nahibaloan nga nagtapos ang Comelec Gun Ban sang nakaligad nga Hunyo 12, 2019 kun sa diin naglab-ot sa 6,362 ka indibidwal ang naaresto sang Philippine National Police nationwide.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
