Pontevedra, Capiz- Arestado ang duha ka persona nga nagbayolar sa Republic Act 10591 ukon Comprehensive Firearms and Ammunition Regulation Act samtang ang mga ini ang yara sa Brgy. Ilawod, Pontevedra, Capiz alas 9:30 sang gab-e.
Narekober sang mga Brgy Tanod nga sanday Joseph Villanueva y Pina kag Roberto Crisostomo y Belvis ang isa ka .38 caliber revolver nga wala sang markings kag serial number sa diin may yara sang apat ka mga bala.
Ini ang nakuha sa possesion kag control ni Anecito Besenio y Beriana, 34-anyos kag Ian Besenio y Beriana, 38-anyos lunsay residente sang Brgy Los-unan, Panay, Capiz.
Sang ginpangitaan sang nagakaigo nga papeles nga legal ang pagpanag-iya sang mga ini, wala sang may napakita ang amo nga mga persona rason nga sila ang ginpangdakop.
