Magaumpisa subong nga adlaw ang Comelec gunban kag checkpoint kadungan sang pag-arangkada naman sang election period para sa Oktubre 26 nga pagpiniliay sa house of representative sa first district sang South Cotabato kag lone district sang General Santos City.
Nahibaluan nga subong nga adlaw magaumpisa ang filing sang certificate of candidacy.
May-angot sini, suno kay Atty. Jay Gerada, Election Supervisor sang South Cotabato nakaactivate ang working committees lakip na ang sa security.
Samtang ginpaklaro ni Atty. Gerada nga ang implementasyon sang gunban ang sa mga banwa lang sang Tupi, Polomolok, Tampakan kag General Santos City.
Magaumpisa naman ang campaign period sa Setyembre 11 kag magatakop duha ka adlaw bag-o ang eleksyon.
Sa subong wala pa man suno pa sang kamanduan nga may ipatuman nga reshuffling sa hanay sang mga comelec officers sa nasambit nga mga lugar.
