Magapadayon subong nga adlaw ang katapusan nga adlaw sang voter’s registration.
Ini ang ginkumpirmar ni City Election Assistant II Jonathan Sayno apesar nga may transport strike.
Suno kay Sayno nga magaumpisa ang registration alas 8 impunto subong nga aga tubtub alas 5 karon sa hapon kag wala na sang extension.
Nahibaluan kay Sayno nga humalin sang Agosto 1 tubtub sang Sabado, Setyembre 28, masobra na sa 15,000 ang ila narehistro nga naglapaw sang sa ila target nga 12,000 gid lamang.
Resulta ini suno kay Sayno sa ila ginpatigayon nga mga satellite registration sa mga kabarangayan.
Nagapanawagan si Sayno sa tanan nga wala pa makaparehistro ilabi na ang mga manug-15 anyos sa Mayo 14, 2020 nga magpadulong lang sa comelec office agud magparehistro sa katapusan nga adlaw sang registration subong.
