General Santos City— Ubay-ubay na ang mga kandidato sa barangay election ang naka-file sa ilahang mga Certificate Of Candidacy kon COC apan aduna pay mga barangay ang wala pa naka-file.
Sumala kang Atty. April Mitchor, comelec gensan election officer nga basi sa mga COC nga gisubmitar kanila, wala na silay nakit-an nga unsa mang kulang. Kini gumikan, ayha pa man ang filing, nagpahimangno na silang daan sa mga kinahanglang ibutang sa ilahang mga form.
Dugang pamahayag ni Atty. Mitchor nga pito lang kaadlaw ang filing sa certificate of candidacy nga mahumang ugmang adlawa, Abril 20. Wala na usab ihatag nga unsa mang lugway ngadto sa mga buot mupapili nga dili makafile ug candidacy kung asa nanawagan na usab sila nga kung mamahimo magfile sila sa sayo nga adlaw ug dili na huwaton ang last minute.
Kini aron nga ma-check pa ang ilahang mga coc kung adunay mga mali gumikan kung unsa ang isubmitar s amga kandidato mao lang usab ang ilahang dawaton.
Pagpaklaro ni Atty. Mitchor nga Mayo 4 pa hangtud sa Mayo 12 ang campaign period alang sa barangay ug sk election pasabot nga hugot pang ginabawal ang paglibot-suroy sa mga kandidato sa matag barangay.
Magpabilin man usab ang mga dapat ug dili dapat nga himuon sa mga kandidato sa barangay ug sk sama nalang sa mga dapat anaa sa designated poster area ang mga hulagway sa mga pulitiko.
Aduna man usab sizes sa mga poster o leaflets nga angayang sundon sa mga pulitiko aron nga dili makasuhan ug election office higayon nga adunay magreklamo.
