Natalupangdan sang Commission on Elections nga pila ka public school teachers indi gusto nga magpangalagad bilang board of election tellers sa palaabuton nga barangay kag SK elections.
Suno kay COMELEC Spokesman Atty. James Jimenez masami sila nakabaton sang hingyo sa mga manunudlo nga indi lang sila magserbe sa election.
Ginpahayag ni Jimenez nga ang desisyon sang pila ka manunudlo bangud nga manual ang election sa Mayo 14.
Pila sa mga ini nakahibalo lamang sang automated elections nga tuman ka layo sa manual elections.
Subong man pasalig ni Jimenez wala sang kakulang sang manunudlo sa palaabuton nga election.
Matandaan nga sang 2014 ginpirmahan ni anay presidente Benigno Aquino III ang kasuguan nga nagahimo sang election service nga indi compulsory sa public school teachers.
Photo from web
