ILOILO City – Ginahandaan na sang city government of Iloilo ang possible pagdagsa sang mga turista sa syudad bunga sang nagahilapit nga pagpasarado sang isla sang Boracay.
Suno kay mayor Jose Espinosa III sigurado nga may mga turista nga magapangita sang alternatibo nga destinasyon ilabi na ang mga nakabook na sa Boracay.
Kalakip sa mga activities nga ginaplano sang syudad amo ang night market bilang alternatibo nga destinasyon.
Kadungan sini luyag man sang alkalde nga mausisa ang mga restaurants sa ila compliance sa sanitation kag maghimo sang mga suhestyon sa pagpasanyog sang ila serbisyo.
Ginatan-aw man ni Espinosa ang pagpabakod sang Iloilo-Guimaras circuit.
Matandaan nga sugod Abril 26 sarado na sa sulod sang anum ka bulan ang Boracay santo sa mando ni president Rodrigo Roa Duterte.
Photo from web
