Davao City – Gilugwayan sa Commission on Elections (COMELEC) ang oras sa Voter Registration sugod karong adlawa (Agosto 23, 2021) dinhi sa syudad sa Davao.
Sa anunsyo sa COMELEC, ang bag-ong oras sa pagparehistro sugdan alas-8 sa buntag hangtud alas-7 sa gabii matag Lunes hangtud Biyernes.
Samtang sa Sabado ug Holidays, ma-cater ang Voter Registration gikan alas-8 sa buntag hangtud alas-5 sa hapon.
Sa September 30, 2021 ang katapusang adlaw sa pagparehistro diin gipangandaman na kini sa election personnel kaabag ang kapulisan ug Local Government Unit (LGU) sa pagsigurong malikayan ang dasok ug maobserba gihapon ang minimum public health standards batok Coronavirus Disease 2019 (COVID-19).
Giawhag sa COMELEC ang publiko nga dili na hulaton ang deadline ayha magparehistro.
RadyoMaN Kirby Manzon
