Pagadian City – Gumikan sa nisutoy nga ihap sa mga nagpositibo sa Covid-19 sa dakbayan sa Pagadian nihimo na karon og lakang ang local nga kagamhanang aron maatiman ang mga natakbuyan sa makatakod nga virus.
Sumala ni Pagadian City Mayor Sammy Co temporaryo nga himoong Covid Isolation Center ang bag-o lang giablihan nga Infirmary nga nakabase sa Brgy. Danlugan niining syudad.
Kini ang tubag sa Mayor sa dakbayan sa hangyo sa mga personahe sa Pagadian City Emergency Operation Center ug sa Department of Health aron dunay kabutangan sa mga nagpositibo sa virus.
Gumikan niini gidid-an una ang publiko nga magpatambal sa infirmary kay gigahin na ang lawak niini alang sa mga pasyente sa Covid-19 nga dili kaayu grabe ang kahimtang.
Niining oras moihao na sa 458 ang kinatibuk-an nga aktibong kaso sa Covid-19 sa syudad sa Pagadian.
