Gisugdan na sa Commission on Elections , Philippine National Police ug Armed Forces of the Philippines Central Command ang ilang pagpangandam sa ihatag nga seguridad atol sa Sangguniang Kabataan (SK) ug Barangay Election karong Mayo 14.
Atol sa gihimo nga joint security conference , si Comelec 7 Regional Director Atty. Rafael Olaño nihatag ug update labot sa ilang pagpangandam alang sa umaabot nga eleksiyon .
Lakip sa ilang gituki kung unsa nga mga barangay sa niaging eleksiyon ang adunay init nga situwasyon panahon sa piniliay aron ilang matutokan sa paghan-ay sa seguridad .
Gihisgutan usab atol sa conference mao ang pag-ila sa mga posibling kandidato nga gilambigit sa operasyon sa ilegal nga drugas og apil sa “narco-list” ni Presidente Rodrigo Duterte.
