COMELEC Provincial Election Supervisor Atty Wil Arceño, ginalauman ang pagdaguso sang mga registrants sa mga nabilin nga adlaw sang voters registration extension!

Roxas City, Capiz – Tubtob na gid lamang subong nga katapusan nga semana sang Oktubre ang gintalana nga deadline para sa extension sang voters registration sang COMELEC para sa 2022 election.
Ini ang ginpahayag ni COMELEC Provincial Election Supervisor Atty Wil Arceño.
Suno kay Arceño, wala na sang lauman nga extension pa sa registration.
Samtang gina-ekspektar sini ang pagdugok sa mga talatapan sang COMELEC sang dako nga bulto sang mga indibidwal nga luyag nga magparehistro sa nabilin nga tatlo ka adlaw.
Mahibaluan nga una ginpahanugutan sang COMELEC ang voter registration umpisa sang Oktubre 11 kag ini ang magatapos sa Oktubre 30 sini nga tuig.