General Santos City–giawhag ni Comelec Regional Director Renato Magbutay ang mga kandidato nga ipakita ang pagkamatinud-anon sa katawhan og kinahanglan nga tumanon gayud ang mga saad panahon sa campagin period aron dili magmahay ang mga botante sa ilang mga boto.
Gipahinumduman usab ni Magbutay karong kadtong mga magpapili isip opisyal gikinahanglan nga dili ang interest sa ilang partido ang motigbabaw kundili ang katawhan na ang ilahang hatagan og tinud-anay nga serbisyo gumikan kay mao kini ang tumong nganong mopapili ang usa ka kandidato.
Samtang giawhag usab sa opisyal ang mga botante sa umaabot nga eleksyon nga mogawas gayud sa ilang panimalay og moboto. Labaw sa tanan dili nila dapat ibaligya ang ilang boto sa mga kandidato.
Dapat usab ila gyong ilhon ug maayo kung unsa ang nahimo sa butuhong kandidato aron dili magmahay tungod kay sa mga kandidato nakasalaly ang kaugmaon og kalambuan sa matag lugar. (Reynald Timario)
