Comelec South Cotabato nagcoordinate na sa SOCOTECO kabahin sang preparasyon sa barangay kag SK eleksyon.

Nagcoordinate na sila suno kay Atty. Jay Gerada, Election Supervisor sang South Cotabato sa pamunuan sang South Cotabato Electric Cooperative (SOCOTECO 1) bilang preparasyon sa Mayo 14 barangay kag Sangguniang Kabataan eleksyon.
Suno kay Atty. Gerada importante man lang suno pa nga wala sang matabo nga brown-out sa oras na sang canvassing nga posible magab-ihan gid ilabi na sa mga lugar nga mataas ang turn-out sang mga nagboto.
Samtang may-yara man sang contingency plan sila nga iplastar suno pa sa tion nga may mga lugar sa probinsya nga wala sang nagakaigo nga supply sang kuryenti tungod tanan nga mga Comelec Offices sa South Cotabato ang may-yara man sang generator.
Apang suno kay Atty. Gerada liwat sila nga magapapungkuanay sang pamunuan sang SOCOTECO bag-o pa man sang eleksyon agud nga kuhaon ang kasiguraduhan sang mga ini nga wala sang matabo nga brown-out sa adlaw sang eleksyon.