COMELEC: Suspended officials of Catbalogan, Samar, can still run in 2019 Elections

412

TACLOBAN CITY – Unom kabulan nga suspendido hira Catbalogan City Mayor Stephany Uy-Tan ngan walo pa nga opisyal han mao nga syudad tungod han nagpapadayon nga imbistigasyon han Office of the Ombudsman han gin-aaligar maanomalya nga pagpalit hin tuna.

An ira suspension in kutob pa ha hunyo sanglit maaabutan ini han May 2019 National and Local Elections.

Nakakarawat hin mga pakiana an RMN Tacloban kun pwede pa ba makadalagan an mga suspendido nga opisyal.

Amon ini iginpakiana kan Commission On Elections (Comelec) Region 8 Director Atty. Nick Mendros, sumala ha iya, waray basehan an Comelec para pugngan hira Uy-Tan ngan walo pa nga opisyal ha pagdalagan yana nga eleksyon.

Dugang ha pamahayag ni Mendros, hira liwat in naghuhulat han desisyon han Ombudsman tungod nga nagpapadayon an imbistigasyon hini.

Igin-order an preventive suspension kanda uy-tan, Vice Mayor Art Sherwin Gabon, ngan city council members Nga Hira Coefredo Uy, Jeffry Uy, Maximo Pescos, Edward Uy, Christine Joy Escobar, Beethoven Bermejo, ngan Nanette Jasmin.

Samtang, nalingkod naman yana kumo acting mayor han Catbalogan City hi Archie Fuentes ngan Acting Vice Mayor Kendall Luke Perez.

Facebook Comments