Prinsipiando ayer el Commission on Elections ta implementa ya con el Total Gun Ban aqui na ciudad de Zamboanga. El mensyonao ahensya ya continua implementa coneste provision de ley mientras nuay pa hace sale orden ejecutivo el presidente Rodrigo Duterte aserca el postponement del conducta del Barangay y Sangguniang Kabataan elections.
Asegun con el City Election Officer Atty. Stephen Roy Cañete, el diila ofisina necesita implementa este reglamento porcausa cay este mandato diila. Bajo coneste, el suspendido tambien todol mga permit to carry firearms del mga sibilyan y solamente mga myebmros del otoridad lang fuede carga armas de fuego apuera del diila mga residencia.
El COMELEC ta accepta tambien mga candidato de Barangay y Sangguniang Kabataan que enteresao man-file diila certifico de candidature prinsipiando Octubre 5 hasta 11, el period de campaña hay conduci na pecha 12 hasta 21.
Bajo na COMELEC Resolution No. 10198 ta ordena tambien el plantada del COMELEC Checkpoint del policia y military na deferentes locaccion del ciudad y rehiyon. – *Bhong Simbajon/RMN News*
