Kalibo, Aklan — Naaresto ko mga kapulisan it Kalibo PNP rong tricycle driver nga ginaturong nagpanghold-up sa sangka babaye ko Byernes it gabii sa may Calachuchi Road, Brgy. Andagao, Kalibo, Aklan.
Sa ginpatigayon nga follow-up ag manhunt operation ko mga kapulisan nadakpan si Sweet Ham Mendiguette, 20-anyos ag residente it Sitio Ilaya, Brgy. Mabilo, New Washington.
Kon matandaan nga ginpilit it nasambit nga suspek nga pasakyon sa anang tricycle ro biktima nga si Amorcielo Solano, 20-anyos ag residente it Brgy. Aquino, Ibajay pero temporary nga naga board sa may Ureta Road Andagao nga magapaadto eon kunta sa anang trabaho sa Andoks Roxas Avenue Branch.
Pero imbis idiretso imaw hay ginliko it suspek ro tricycle sa may sementeryo ag idto gin hold-up ro biktima nga kung sa siin nabuoe ro anang P700.00 pesos nga cash ag cellphone.
Nasayuran pa gid nga bag-o na nabiktima si Solano hay may nauna pa gid imaw nga biktima sa Brgy. Mabilo, New Washington.
Positibo man nga gin identify it daywa ka mga biktima rong suspek pati ro anang gamit nga tricycle.
Sa makaron kulong rong suspek sa lock up cell it Kalibo MPS ag magapangatubang it nagakaigo nga kaso.
