Davao City – Gawas sa pagparehistro sugod sa Agosto 1, 2019, abri ang Commission on Elections (COMELEC) sa pagdawat sa pagproseso niadtong buot magpa transfer ug uban pa.
Sa interbyu sa DXDC RMN Davao kang Atty. Krisna Samantha Caballero, spokesperson sa COMELEC-XI, gibutyag niini nga mo-proseso sila sa buot magpa-transfer, magpa-correction ug kadtong magpa re-activate.
“Mudawat gihapon ta og transfer for this registration. Mo-accept gihapon ta even kadtong magpa correction ug kadtong magpa re-activate, kadtong mga botante nato nga na-deactivate na, pwede ta magpa process pud og reactivation,” saysay ni Caballero.
Samtang giklaro ni Caballero nga kadtong mga nakaparehistro na sa milabay nga tuig, 2018 nga mi-apil sa barangay election dili na pwede magparehistro pag-usab.
Una nang gi-anunsyo sa COMELEC-XI spokesperson nga magdala lamang og valid ID o government-issued ID atol sa pagparehistro.
RadyoMaN Kirby Manzon
