Davao City- Subling nagpahinumdom ang Commission on Elections kun COMELEC-Davao ngadto sa wala pa nakaparehistro ilabi na sa mga kabatan-unan nag edad 15 anyos pataas nga magparehistro na alang sa ipahigayong Brgy. ug SK election sa May 2018.
Sa interview sa DXDC RMN Davao kang COMELEC- Davao Election Assistant 2 Nelita Gestosani, nanawagan kini ngadto sa publiko nga muhabol pa sa ulahing adlaw sa voters’ registration ugmang adlawa, Nobyembre 30.
Sumala na Gestosani, aduna nay kapin 3,000 ka mga batan-on dinhi sa syudad ang nagparehistro na subay sa ilang datos sukad gisugdan ang registration kaniadtong Nobyembre 6 ning tuiga.
Dugang usab ni Gestosani nga wala sila nagadawat og mga transferees subay sa mando gikan sa COMELEC central office ilawum sa COMELEC Resolution No. 10214 apan gihatagan nila og pagtagad ang walay biometrex, correction sa pangalan ug pagpa- reactivate.
RadyoMaN Don Pulayao
