Davao City – Surpresa sumala pang ipahigayon sa Commission on Election (COMELEC) ang ilang Oplan Baklas alang sa pagtanggal sa mga gipangpaskil nga mga illegal campaign materials.
Sa pakighinabi sa DXDC RMN Davao kang Atty. Krisna Samantha Caballero, spokesperson sa COMELEC-XI, nanawagan kini sa mga kandidato nga dili na paabuton pa nga ang COMELEC pa ang mangbaklas sa ilang mga campaign materials nga wala nabutang sa common poster areas ingon man wala nagsunod sa saktong sukod.
“Sa mga candidates, wag nang antayin na si COMELEC pa ang kukuha sa mga paraphernalias nila na wala sa designated common poster areas. Sana sila na rin, to set as an example.” segun niini.
Dugang pa ni Caballero nga angay lamang nga mamahimong ehemplo ang mga kandidato sa pagtanggal sa ilang election paraphernalias nga wala nahisubay sa fair election act nga gihatag sa COMELEC.
Sa karon, matud pa sa opisyal nga naga training ang mga election officers alang sa mga electoral board sa pagpangandam alang sa taliabot nga 2019 midterm election.
RadyoMaN Kirby Manzon
