Davao City – Hitsas na ang Commission on Election (COMELEC-XI) sa taliabot nga Barangay ug SK Election.
Kini ang gipamahayag ni COMELEC-XI spokesperson Atty. Muhammad Omar atol sa ekslusibong pakighinabi sa DXDC News Team kaniya diin siya niingon nga “almost 100%” nang andam ang ilang buhatan gani ginapinalisar na lamang nila ang listahan sa mga opisyal nga mukandidato.
“Actually from May 4 to 11, mag-conduct mi og series of briefing from different barangays depende sa assigned district,” dugang niini.
Gani karon pa lang, subling nagpahinumdom si Atty. Omar kabahin sa mga angay sundon sa mga kandidato sama sa tukmang sizes sa posters ug designated posting areas.
Gitambagan usab sa tigpamaba sa COMELEC-XI nga karon pa lang i-check na sa mga botante ang ilang designated precincts sa matag tunghaan diin asa sila nakarehistro.
“Actually pwede sila makaadto sa mga polling places para makapangutana kung asa gipang-post ang listahan sa voters,” segun niini.
Sa pikas bahin, giklaro ni Atty. Omar nga wala pay natala nga election-related violence dinhi sa syudad sa Davao.
RadyoMaN Jason Amisola
