Davao City – Padayon ang panawagan sa Commission on Elections (COMELEC) XI sa katawhan nga dili pakyason ang higayon nga magaparehistro sa nagpadayong voter’s registration nga mahuman karong September 30, 2024.
Sumala pa kang Atty. Gay Enumerables, ang Asst. Regional Director sa COMELEC XI nga abri ang tanang opisina kung asa mamahimong makarehistro ang mga botante gikan Lunes hangtod Byernes lakip na sa holidays.
Giawhag sab ang katawhan nga buot mag-satellite registration nga magpa-schedule na karong April 30 alang sa 1st District sa NCCC Mall Victoria Plaza ug April 3 sa Mall sa Toril alang sa 3rd District.
Panghinaut ni Enumerables nga magparehistro na ang mga wala pa aron malikayan ang mass registration usa ka semana una pa man ang deadline aron malikayan ang kagubot.
Sa pagkakaron, Distrito uno palang sa dakbayan sa Davao City ang adunay pinakadaghang ihap sa nakaparehistro na gikan niadtong Pebrero 12 ning tuiga.
RadyoMaN Ivy Parido
Facebook Comments
