Sa interview sa DXDC RMN Davao kang Lynne Mangubat Dollolasa, MDRRM Officer sa LGU New Bataan, iyahang gisaysay nga tungod sa kakusog sa pagtay-og adunay personahe ug mga estudyante nga naapektuhan nga gilayon usab nga girespondehan sa otoridad.
“Nakaresponde ang atoang New Bataan Emergency Action Team sa munisipyo kay pag-evacuation, naay isa ka kauban namo, empleyado nga naluya, mura’g nasobraan sa kahadlok. Nag-adto pud ang team sa New Bataan National High School kay daghan ang mura’g naglisod og ginhawa sa kahadlok pero kalooy sa Ginoo naagapan na man,” saysay ni Dollolasa.
Sa pagkakaron, nagpadayon ang pag-assess sa structural integrity sa mga kabalayan ug gambalay sa New Bataan.
Nasayrang human sa linog kagapon, gilayong nagpatuman og suspensyon sa klase sa tanang lebel sa eskwelahan sa New Bataan aron gilayong ma-check ang buildings alang sa proteksyon sa mga estudyante.
RadyoMaN Kirby Manzon
