Gipahayag ni COMELEC XI Assistant Director Atty.Gay Enumerables, ubay-ubay na ang midangop sa ilang buhatan aron magduso og reklamo kontra sa mga kandidato sa BSKE 2023 nga sayo nangampanya sa ilang mga Barangay.
Giingon ni Enumerables, nagsumikad ang tanang mga complaint sa dakbayan sa Davao, apan wa na gibutyag niini kung asa nga distrito ang sagad nakasupak sa sayong pagpangampanya.
Matud niya, ilang pabalikon sa ilang buhatan ang mga magduso og reklamo, kung makompleto na ang dokumento ug mga ebidensya, kansang mga complainant kaatbang ra usab ug kandidato sa election.
Dili pa mabutyag sa Assistant Regional Director, kung unsang matang ang mahimong ipahamtang nga silot sa mga midagan pagka-kapitan, gawas lang kung masugdan na ang hearing sa reklamo.
RadyoMaN Joel Viray
