Comelec-Zamboanga del Sur, 50 porsyento na nga andam sa eleksyon

49

Pagadian City – Anaa na sa subra 50 porsyento nga andam ang Commission on Elections kun Comelec-Zamboanga del Sur sa umaabot May 13, 2019 National and Local Elections.
Nitapos na sa pagbansay-bansay ang mga magtutudlo samtang human usab sa semana santa isunod ang training sa mga Voter Registration Verification Machines Technicians. Samtang gisugdan na usab kagahapon ang training sa Board of Canvassers, Kini ang mapasigarbuhon nga gipahibalo ni Atty. Jossil Macute ang Provincial Comelec Supervisor atol sa eksklusibo nga pakighinabi sa RMN-DXPR Pagadian.
Sigon ni Macute, ila nalang gipaabot ang tukmang panahon sa pag-abot sa mga makina ug mga balota nga posibleng modangat sa probinsya sa unang semana sa bulan sa Mayo.
Sa pikas bahin malampuson usab nga napahigayon kagahapong adlawa sa Comelec – Pagadian, tropa sa kapulisan ug Department of Public and Highways ang operation baklas sa sentrong bahin ning syudad.

Facebook Comments