Matud ni TF Davao Commander Army Coronel Darrel Comia, nagdugang og control check point sa Barangay Mahayag ug laing usa pa ka border check point sa Barangay Lasang sa Norte, Barangay Lacson sa western portion ug Barangay Sirawan sa kasadpang bahin sa dakbayan sa Davao. Giingon ni Comia, gipalibutan na sa mga check points ang syudad busa maglisod na ang mga dautang tawo sa paglusot sa ilang mga kontrabandos sama sa droga ug terorista pasulod sa dakbayan.
Giingon sa TF Davao Commander, sulod sa duha ka tuig sa iyang pagdumala mukabat na sa minilyon ka pesos nga kantidad sa shabu ug marijuana, ang nakumpiska gikan sa Lasang check point, Sirawan check point diin ang pinakadako mao ang 18 milyones ka pesos nga kantidad sa shabu gikan sa naharang nga sakyanan ug duha ka suspek ang nadakpan sa miaging adlaw.
RadyoMaN Joel Viray
