Guipos, Zamboanga del Sur – Pormal nang gidawat ni LTC Marlowe Patria ang command responsibility isip siya maoy labaw sa 53rd Infantry (Matapat) Battalion, Philippine Army nga nakabas sa lungsod sa Guipos Zamboanga del Sur.
Ang Change of Command pormal nga gihimo pinaagi kang Division Commander MGEN Roseller Murillo sa 1st Infantry (Tabak) Division Philippine Army .
Gipulihan ni Patria Si LTC Vergilio Hamos Jr nga ibutang na sa Tabak Division isip usa sa mga executive officer .
Atol sa maong seremonyas dinhi gibutyag ni LTC Patria nga iyang ipadayon ang mga nasugdang mga programa ni Hamos sama na lang sa padayong pagukod sa mga armadong grupo nga maoy utok sa kasamok sa mga kabukiran nga na ilalom sa ilang battalion.
Dinhi sab gitin-aw ni Major General Roseller Murillo nga dili angayang mabalaka ang mga kalungsuran nga nabiyaan ni LTC Hamos tungod siya mismo mipasalig nga iyang manduan gihapon si Hamos aron tabangan ang mga kalungsuran nga nagkinahanglan sa tabang ilabi na ang kahimtang sa peace and order sa lugar sama nalang sa lungsod sa Dimataling.
