Malaybalay City, Bukidnon – Hugot nga gipatuman sa Bureau Jail Management and Penology kon BJMP ang commissary policy aron dili gayod malutsan sa mga kontrabando.
Sa interview sa RMN Malaybalay ngadto kang Malaybalay City Jail Warden Shodji Labis gibutyag niini nga tungod sa mga dula sa gipalusot sa mga kontrabando sulod sa bilangguan pinaagi sa mga sealed nga goods sama sa noodles ila na kini karong gipahugtan sa pagbantay.
Matud ni Labis nga hugot nilang gipatuman ang mga commissary policy sama sa pag-minimize sa pagpasulod sa mga goods sama sa noodles, sealed nga kape, shampoo ug uban pa.
Dungan ninii gi-awhag sa city jail warden ang publiko nga sa canteen sulod sa jail na lang mupalit tungod kay nagsilbi usab kining livelihood sa mga inmates.
Sigun niini nga sa gate pa lang daan ila nang inspeksyunon ang mga gipangdala sa dalaw aron malikayan ang posibilidad nga paglusot sa mga kontrabando.
