Ginpaisol sang Commission on election ang Election period para sa SK kag Barangay elections.
Sa baylo nga Setyembre 23 tubtub 30 ang filing of certificate of candidacy, ginpaisol ini sa oktubre 5 tubtub 11.
Ginpahayag ni City Comelec officer Atty. Renier Layson nga base sa pinakaulihi nga mandu gikan sa Comelec central office, magasugod ang election period sa Oktubre 1 tubtub 30 kon sa diin magasugod ang campagn period sa Oktubre 12 tubtub 22.
Suno kay Layson nga ginligwat ang calendar of activities sang election bangud sa mga developments sa kongreso angut sa ginaduso nga hagna nga magapaiway sang eleksyon.
Gindugang pa ni Layson nga maga-umpisa man ang gun ban sa Oktubre 1.
Nahibaluan nga sa karon pirma na lamang ni Pangulong Duterte ang kinahanglan matapos napasar na sa kamara kag senado ang hagna nga nagapaiway sang SK kag Barangay elections sa masunod nga tuig.
