General Santos City— Gipahigayong kaganihang buntag ang pinaka-unang committee hearing kalabot sa aplikasyon sa PCSO nga makakuha ug pagtugot ang Trento Gaming And Leisure Corporation gikan sa hawanan sa konseho nga maka-operate ug Small Town Lottery kon STL sa kbayan.
Kini gipangunahan ni Gensan City Councilor Atty. Franklin Gacal Jr. ang chairman sa Games And Amusement ug City Councilor Atty. Jose Edmar Yumang ang chairman sa Committee On Laws.
Gitambungan kini ni Lyn Parcon, ang General Manager sa Trento Gaming And Lesiure Corporation, Misael Hamak, Branch Manager sa PCSO Gensan, Barrie Mencidor, Legal Counsel sa Trento Gaming , Sheryl Roble, Supervisor sa trento, Police Superintendent Marvin Marcos, Regional Chief sa CIDG 12, Police Superintendent Roel Sermese, Deputy City Director For Operation sa Gensan City Police Office ug mga opisyal sa barangay.
Lakip sa mga init nga nahisgautan mao ang mga porsyento nga nahatag sa PCSO Gensan ngadto sa Police Regional Office 12 sa milabay’ng operasyon sa STL sa dakbayan bisan kini ang gikonsidera pa nga illegal kaniadto sa hawanan sa konseho.
