Dipolog City Kaniadtong adlawng martes nagsugod na ang kampanya sa nasyunal nga mga kandidato, gani naglibot suroy naang mga kandidato ilabi na kadtong magpapili pagka senador ug mga Party List.
Una ng nanawagan ang taga Commission on Election nga kadtong mga illegal campaign materials kinahanglan panglakaton sama sa wala nagsunod sa saktong sukod ug wala nabutang sa mga designated area.
Hinungdan nga ang commission on election Dipolog nagpagawas na ug listahan sa mga common poster areas sa matag barangay sakop ning dakbayan.
Sa Central barangay didto atubangan sa Dipolog Public Market sa may Rizal Ave.; Brgy. Barra, atubangan sa PDRRMO; Brgy. Biasong, sa bakante nga luna sa walang bahin sa entrance sa Corazon C. Aquino Memorial Hospital;
Brgy. Estaka, bakante nga luna, Capitol Ave. Walang bahin padulong sa Igot; Brgy. Miputak, Integrated Bus terminal Quezon Ave.;
Brgy. Sicayab sa may national highway, corner padulong Purok D Beach; Brgy. Minaog atubangan sa RTMI compound; Brgy. Dicayas sa may kilid sa Police outpost padulong sa tulay; Brgy. Lugdungan sa may kilid sa Foot Bridge;
Brgy. Gulayon sa may eskina padulong sa Dipolog Cemetery; Brgy. Turno sa may Nat’l highway sa tabok sa police Box;
Brgy. Sta Isabel by-pass road padulong sa Turno ug dalan padulong medical center kilid sa Sapa; Brgy. Sta Filomena sa may Nat’l Highway atubangan sa RTMI Compound; Brgy. Galas tabok sa Seaoil GS; brgy. Olingan sa may Nat’l Highway sa dili pa mo abot sa brgy Hall;
Brgy. Punta sa may kilid sa Petron GS; Brgy. Sinaman sa tabok sa bag-ong Brgy. Hall; Brgy. Sangkol gawas sa covered court;
Brgy. San Jose sa may Waiting shed padulong katolikong simbahan; Brgy. Cogon sa may junction padulong sa brgy. Diwan; ug sa brgy. Diwan tabok covered court.
Kini ang gipagawas nga mga common poster area ni Atty Edmund Rey Calo sa Comelec Dipolog.
