Malaybalay City, Bukidnon – Gilusad sa 403rd Infanry Brigade, Philippine Army ang community support program.
Gihimo ang send-off ceremony alang sa lungsod sa San Fernando nga gipasiugdahan sa 88th Infantry Battalion samtang gihimo usab ang send-off sa 8th Infantry Battalion sa lungsod sa Impasug-ong .
Sa interview sa RMN Malaybalay ngadto kang Cpt. Norman Tagros, ang civil military office ug tigpamaba sa 403rd brigade gibutyag nini nga tumong sa mao nga programa mao ang pagtabang sa katawhan ilabina ang mga anaa sa hilit nga mga lugar nga gitawag nila ug Conflict-affected Areas o Geographically Isolated and Depressed Areas (GIDAS).
Magsilbing facilitator matud pa ang kasundaluhan aron masuta ang mga gikinahanglan sa mga tawo sa usa ka partikular nga dapit ug matabangan ang mga local government unit sa paghatod sa nag-unang serbisyo.
Sigun ni Tagros nga pasiuna pa lamang ang pagpasiugda sa community support program sa AFP ngadto sa duha ka mga lungsod.
Usa matud pa sa tumong sa send-off ceremony mao ang pagrespito ngadto sa LGU sa mao mga dapit ug pagpangayo ug pagtugot gikan sa mga lideres sa mga lumad nga nanimuyo niini.
Gipahayag usab ninii nga magdepende sa dapit ang gidaghanon sa ilang i-deploy nga mga sundalo.
