Pangunahan na sa mga local chief executives ang pagpatuman sa Community support program kon CSP.
Sa interview sa RMN Malaybalay ngadto kang Cpt. Ryan Layug, ang CMO ug spokesperson sa 403rd infantry brigade gibutyag niini nga dili na ang kasundaluhan lang ang mahimo sa CSP kon dili apil na ang mga local government unit kon LGU’s.
Gitawag na usab kini karon nga “recalled – community support program” nga pangunahan sa mga Mayores sa kalungsuran o siyudad.
Gidepensa usab niini nga kung maghimo sila ug CSP mao lang ang pagtuki sa mga issue nga gigamit sa mga NPA aron sila maka-propaganda aron maka-recruit.
Matud ni Layug nga 70% sa mga miyembro sa NPA nitoo tungod sa propaganda. Maong gitukod matud pa ang gitawag nga Sandatahang Unit Pampropaganda.
Gipahayag pa ni Cpt. Layug nga dili dapat atakehon sa mga NPA ang mga naghimo ug CSP program tungod kay kasupakan kini sa international humanitarian law.
Wala usab daw kalainan sa na-andan nga kalihukan karon sa mga local chief executives ang re-called CSP.
