‘Competence’ hagit kang Robredo

4

Davao City – Angay dawaton nga positibo ni Vice President Lenie Robredo ang gisulti ni Pangulong Rodrigo Duterte nga incompetent kun wala siya’y kapasidad sa pagrenda sa Pilipinas.

Imbes mubawos og negatibo nga reaksyon ang angay buhaton ni VP Robredo mao ang pagkunsidera sa banat ni Pres. Duterte nga usa ka dakong hagit sa iyang puwesto karon.

Angay pa gani mangandam ang Bise Presidente sa posibilidad nga basin dunay mahitabong dautan o bin ba kaha masakit ang pangulo ug siya ang makahulip sa gahom.

Unta wala na lang patuli ni VP Robredo ang patama sa pamuno nasud sanglit dili man malimod nga wala pa siya’y ikapanghambog sa katawhan sukad milingkod kini sa katungdanan.

Ang kapakyasan sa Bise Presidente sa paghatud sa serbisyo sa pabalay sa katawhan lig-on nga basehan aron mutindog ang gisulti ni Presidente Duterte nga incompetent kini sa pagduma sa nasud.

Samtang pikas bahin, maglisod ang mga taga-opposition sa pagtarog ni Pangulong Duterte bisan pa og dili ti-aw ang ilang mga isyu nga gilabay sa administrasyon.

Gipamahayag ni Atty. Leonard Cagatin nga bisan tuod og walay hunong ang pagpuna sa opposition apan mapakyas lamang sila sa pagpalagpot kang Pres. Duterte gikan sa katungdanan.

RadyoMaN Joel Viray

Facebook Comments